यहि भदौ २५ गते धुनिबेशी ९ मा निशुल्क स्वास्थ्य शिविर हुने

स्व. कृष्ण गोपाल फाउन्डेसनको आयोजनामा  धादिङको धुनिबेशी ९ मा रहेको बुद्ध भिजन स्कुलमा  यहि भदौ २५ गते शनिबारका दिन बरिष्ठ डाक्टरहरु द्वारा  निशुल्क स्वास्थ्य शिविर हुने भएको छ । शिविरमा नि: शुल्क आँखा जाच , हाइड्रोसिल अपरेसन ,स्त्री रोग, हाडजोर्नी तथा नसारोगको  साथै जनरल चेकअप पनि हुने स्वास्थ्य शिविर कार्यक्रममा आवश्यकता अनुसार नि:शुल्क औषधी तथा चश्मा वितवरण समेत हुने  आयोजकले जनाएको छ ।

कार्यक्रममा  बागमती प्रदेशका सभापति संसदीय दलका नेता इन्द्र बानियाको प्रमुख आथित्यता रहने  र बरिष्ठ कलाकारहरु निर शाह, बिकाश बोर्डका अध्यक्ष भुवन के सी, कलाकार संघका अध्यक्ष रबिन्द्र खड्का, फ़िल्म सोसाइटीका अध्यक्ष कृष्ण मल्ल र धादिड़॰का नेताहरुको पनि  सहभागी रहने शिविरमा सबै उपस्थितभइ आफ्नो स्वास्थ्य जाच गरि लाभ लिनुहुन आग्रह गरेको  स्व. कृष्ण गोपाल फाउन्डेसनका अध्यक्ष मधु कुमार श्रेष्ठले टोल टोलको खबर लाई जानकारी दिनु भयो  ।