धुनिवेशी आदर्श क्याम्पसको ८ कोठे भवनको शुभारम्भ

धादिङ:     धादिङको धुनिवेशी नगरपालिका वडा नम्बर ३ मा रहेको आदर्श क्याम्पसको निर्माण कार्य सुरु भएको छ । शुक्रबार एक कार्यक्रमका वीच ८ कोठाको नयाँ भवनको शिलान्यास गरिएको हो ।

नगर प्रमुख बाल कृष्ण आचार्यले भवनको शिलान्यास गर्नुभयो । विश्व विद्यालय अनुदान आयोगको बजेट र धुनिवेशी नगरपालिकाले ५० प्रतिशत व्यहोर्ने गरी भवन निर्माण थालिएको क्याम्पस प्रमुख जीवनाथ ढकालले बताउनु भयो ।

भवन निर्माण पछि क्याम्पसको पठन पाठन सहज हुने ढकालले बताउनु भयो । यस अघि क्याम्पसको ४ कोठाको एक भवन रहेको छ । भने दुई एउटा ९ कोठाको ट्रष्ट भवन रहेको छ् । क्याम्पसमा १ सय ३० भन्दा बढी विद्यार्थी अध्ययनरत रहेको जनाइएको छ ।

भवन शिलान्यास कार्यक्रममा धुनिवेशी नगरपालिकाका प्रमुख बालकृष्ण आचार्य,क्याम्पसका अध्यक्ष तथा वडा नम्बर ३ का वडा अध्यक्ष प्रकाश हमाल,वडा नम्बर ५ का वडा अध्यक्ष विशाल भट्टराई, वडा नम्बर ९ का अध्यक्ष माधब प्रसाद सिल्वाल,शेषकान्त फाउण्डेशनका अध्यक्ष विशेश्वर प्रसाद ढकाल लगाएत विभिन्न विद्यालयका प्र.अ, शिक्षक, अभिभावक, विद्यार्थीहरुको सहभागिता रहेको थियो।