हाम्रो गाैरवमय तेस्रो वर्ष

राजाराम डंगोल
संचालक
२० भदौ : आर डि मिडिया हाउस थांक्रे–८, धादिङ द्वारा सञ्चालित समाचारमूलक अनलाइन पोर्टल टोलटोलको खबर डटकम आज भदौ २० गते बाट तेश्रो बर्षमा प्रवेश गरको छ ।
२०७९ साल भदौ २० गतेबाट औपचारिक रुपमा प्रकाशन हुन सुरु भएको टोलटोलको खबर डटकम तेश्रो बर्षमा प्रवेश गरेको हो । स्थापना भएको छोटो समयमै पाठकको माया बटुल्न सफल टोलटोलको खबर डटकम तेश्रो बर्षमा प्रवेश गरेको अवसरमा अनलाइन सञ्चालक संस्था आर डि मिडिया हाउस अनलाइनलाई माया, साथ र विश्वास दिने सबै पाठक, शुभचिन्तक र बिज्ञापनदाताहरुलाई आभार प्रकट गर्दछ ।

गाउँबाट अनलाइन सञ्चालन गर्नु त्यति सजिलो काम होइन,सेवा सुविधा र अवसरका हिसावले सबैभन्दा पछाडी परेर पनि हामीले दुई बर्षको अवधिमा समुदायको हितमा विभिन्न सूचना तथा समाचारहरु पस्कंदै आईरहेका छौं। हाम्रो लक्ष्य र संकल्पलाई सार्थक बनाउन तपाईहरुले गर्नुभएको सहयोग अमूल्य रहेको छ। हामी सिक्दैछौं त्यसैले अझै परिस्कृत भएर अगाडी बढ्न तपाईहरुको निरन्तर साथ सहयोगको हामीलाई खाँचो छ।

डिजिटल मिडियाले अहिले हरेक व्यक्तिलाई जोडेको छ। संसारको जुनसुकै ठाउँमा भएको कुनै पनि घटना एकैछिनमा संसारभर फैलाउने काम डिजिटल मिडियाले गरिरहेको छ। हामीले टोलटोलको खबर डटकम शुरुवात गर्दा देश विदेशका सवाललाई भन्दा गाउँटोलको हरेक गतिविधि, जनसरोकारका सवालहरु, विकास निर्माण, नागरिकका सुख दुःखका बिषयलाई समाचार वनाउने संकल्प हामीले लिएका थियौं । ३ बर्ष अघि जुन अठोटका साथ हामी आएका थियौं, त्यहि अठोटलाई पुरा गर्न हामि निरन्तर लागिरहेका छौं ।

टोलटोलको खबर डटकम हरेक टोलबासीको साझा सम्पत्ति हो। यस्को संरक्षण गर्नु हामी सबैको कर्तव्य हो । पत्रकारिलाई बदनाम हुन नदिन र आवाज विहिनहरुको आवाजलाई समाजमा उजागर गर्न हामी आतुर छौं । हामी कसैको दवाव र प्रभाव बाट होइन सत्य तथ्यको आधारमा सूचना ,समाचार दिने गर्दछौं । त्यसैले यस अनलाइनलाई अझै परिष्कृत गर्दै बर्षौ बर्ष सम्म अघि बढाउन हामीलाई तपाईहरुले साथ सहयोग र प्रेरणा दिनुहुनेछ भन्ने विश्वास लिंदै गौरवमय तेश्रो बर्ष प्रवेशको हार्दिक मंगलमय शुभकामना व्यक्त गर्दछौं ।