गठ्ठाघरमा ट्रकले ठक्कर दिँदा स्कुटर चालकको मृत्यु ,अवस्था तनावग्रस्त

३१ साउन ,काठमाडौं: भक्तपुरको गठ्ठाघरमा ट्रकले स्कुटरलाई ठक्कर दिँदा अवस्था तनावग्रस्त बनेको छ ।

ट्रकको ठक्करबाट स्कुटर चालकको मृत्यु भएपछि त्यहाँको अवस्था तनावग्रस्त बनेको हो । अहिले स्थानीयले सडक अवरुद्ध पारेका छन् ।

ना. ६ ख २१७३ नम्बरको ट्रकले स्कुटरलाई ठक्कर दिएको भक्तपुर प्रहरीले जनाएको छ । मृतक महिला भएकाे र सनाखद बाँकी रहेकाे प्रहरीले जनाएकाे छ । अहिले गठ्ठाघरको अवस्था तनावग्रस्त छ । घटनास्थलमा सुरक्षाकर्मीको बाक्लो उपस्थिति छ ।