राष्ट्रपति रामचन्द्र पौडेलसमक्ष ३ प्रदेशका नवनियुक्त प्रदेश प्रमुखले लिए पद तथा गोपनीयताको शपथ

१७ साउन, २०८१:   राष्ट्रपति रामचन्द्र पौडेलसमक्ष तीनवटा प्रदेशका नवनियुक्त प्रदेश प्रमुखले बिहिबार पद तथा गोपनीयताको शपथ लिनुभएको छ।

राष्ट्रपति कार्यालय शीतल निवासमा बिहिबार आयोजित विशेष समारोहमा बागमती प्रदेशका प्रमुख दीपकप्रसाद देवकोटा, लुम्बिनी प्रदेशका प्रमुख कृष्णबहादुर घर्तीमगर र कर्णाली प्रदेशका प्रमुख यज्ञराज जोशीले शपथ लिनु भएको हो।

समारोहमा उपराष्ट्रपति, प्रधानमन्त्री, सभामुख, राष्ट्रियसभाका अध्यक्ष, उपप्रधानमन्त्री, मन्त्रीगण र विशिष्ट व्यक्तित्वको उपस्थिति रहनु भएको थियो।

राष्ट्रपति पौडेलले मन्त्रिपरिषद्को यही साउन १४ गतेको बैठकको निर्णय एवं सिफारिशमा बुधवार बागमती‚ लुम्बिनी र कर्णाली प्रदेशका प्रदेश प्रमुख नियुक्त गर्नु भएको थियो।