चितवन पहिरो अपडेट: त्रिशूलीमा हराएका बस भेटिएनन्,अब भोलिमात्रै खोजिने

२८ असार ,२०८१:  नारायणगढ–मुग्लिन सडकमा आएको पहिरोका कारण गएराति यात्रुसहित त्रिशुलीमा बेपत्ता २ वटा बस भेटिएको छैन ।
सशस्त्र प्रहरी बलका प्रवक्ता डीआईजी कुमार न्यौपानेका अनुसार बिहानैबाट त्रिशुलीमा खसेका बस खोजिए पनि नभेटिएकाले आजलाई खोजी कार्य स्थगित गरिएको हो ।

अब भोलि बिहानबाट मात्रै बेपत्ता बस खोज्न सुरु गरिने न्यौपानले बताउनुभयो ।

नदीमा पानीको बहाव नघटेको र रातिको समयमा भएकाले जोखिम पनि हुने भएकाले स्थगित गरिएको उहाँको भनाई छ।
त्रिशुलीमा हराएका बस खोज्न सशस्त्रका ४ वटा, नेपाल प्रहरीको एउटा गरी ५ मोटरबोट, गोताखोर टोली लगायत प्रयोग गरिघटनास्थलबाट ३-४ किलोमिटर वरपरसम्म खोज्दा पनि नभेटिको बताउनुभयो ।

चितवनको भरतपुर महानगरपालिका–२९ सिमलतालमा आज बिहान करिब ३ बजे वीरगञ्जबाट काठमाडौंतर्फ आउँदै गरेको बागमती प्रदेश–०३–००६ ख १५१६ नम्बरको एन्जल डिलक्स बस र काठमाडौंबाट गौरतर्फ जाँदै गरेको बागमती प्रदेश–०३–००१ ख २४९५ नम्बरको बसलाई लेदोसहितको पहिरोले बगाएको थियो ।