टोल टोलको खबर अनलाइन एक वर्ष पुरागरि द्रोस्रो वर्षमा प्रवेश (सम्पादकीय)

२० भद्र, २०८०   

प्रिय पाठकवर्ग,     
-आर.डि.मिडिया हाउस द्वारा संचालित यस टोल टोलको खबरले एक वर्ष पार गरेको उत्साह आज तपाईमाझ साट्न पाउँदा निकै खुसी लागेको छ। विज्ञान र प्रविधिले फड्को मारेको युगमा सारा विश्व एक औंलामा अटाउन सकिने समयमा गत वर्ष २०७९ साल भाद्र २० गते आजकै दिन औपचारिक रुपमा तपाईमाझ सत्य, तथ्य सही सूचना , जानकारी दिने उदेश्यका साथ् टोल टोलको खबरको जन्म भएको थियो ।

टोलटोलको खबरले शुरुदेखि नै पाठकहरुको माया पायो। छ्याप्छ्याप्ती सामाजिक सञ्जाल र हजारौं अनलाई पोर्टलको विचमा आफ्नै पहिचान बनाउन शुरु गरिएको अनलाईनलाई पाठक वर्ग, विज्ञापनदाता तथा सम्पूर्ण शुभचिन्तकहरुको साथ सल्लाह,सुझाव र हौसला सहितको एक वर्ष पुरा गर्न सफल बनेको छ ।

स्थानीय स्तरमा भएका स्थानीय गतिविधिका साथै विकास निर्माण, सुरक्षा,अपराध, कृषी,पर्यटन, सडक, विज्ञान- प्रविधि, रोजगारी, स्वास्थ्य, शिक्षा, मनोरञ्जन, साहित्य लगायतका सामाजिक–सांस्कृतिक मुद्दाका समाचार ,घटना, जानकारी दिने उदेश्यले शुरु गरिएको अनलाईन पोर्टल टोल टोलको खबर डट कम तपाईसम्म सही सूचना, समाचार पु¥याउन हरपल प्रयासरत छ र हुनेछ पनि।

आगामी दिनमा पनि तपाईको साथ, सल्लाह सुझावलाई मध्यनजर गर्दै तपाईसम्म पुग्ने कोशिस गर्नेछौं। जसरी वितेको वर्ष साथ दिनुभयो भोलिका दिनमा पनि त्यसैगरी साथ दिनुहुने छ र आगामि वर्षौ वर्ष यसरी नै खुसी साट्न पाइनेछ भन्ने अपेक्षा गरेका छौं।
आजसम्म तपाईले समाचार हेरेर, सुचना जानकारी दिएर, लाईक शेयर गरेर, विज्ञापन दिएर लगायत प्रत्यक्ष अप्रत्यक्ष रुपमा साथ दिनुहुने तपाई सबैप्रति हार्दिक आभार व्यक्त गर्दछौं। धन्यवाद।