अपडेट:त्रिशुलीमा बस खस्दा ८ जनाको मृत्यु, थप जानकारी आउन बाकी

६ भाद्र, धादिङ  ।     काठमाडौंबाट पोखराका लागि छुटेको बस त्रिशूलीमा खसेको छ।
प्रदेश ३-०१-००५ ख ९९५२ नम्बरको यात्रुवाहक बस धादिङको गजुरी गाउँपालिका-२ छहरेमा दुर्घटना हुँदा ८ जनाको मृत्यु भएको छ ।
बुधबार बिहान १०ः३० बजेतिर सडकबाट त्रिशुली नदीमा खसेको हो ।

दुर्घटनामा परी ८ जनाको मृत्यु भएको धादिङका प्रहरी प्रमुख एसपी गौतम मिश्रले जानकारी दिनु भयो । मृतकमध्ये २ जना महिला र ६ जना पुरूष छन्। घाइते ८ जनाको उद्धार गरिएको छ।
घाइते पाँच जनालाई काठमाडौं पठाइएको गजुरी गाउँपालिकाका उपाध्यक्ष शर्मिला बिसुरालले जानकारी दिनु भयो ।

बसको आधा भाग पानीमा डुबेको अवस्थामा छ। घाइतेहरूको उद्धार गरी, गजुरी स्वास्थ्य चौकी, गजुरी अस्पताल र राजमार्ग अस्पतालमा उपचार भइरहेको छ। गजुरी अस्पतालमा उपचार सम्भव नभएकालाई काठमाडौं पठाइएको बिसुरालले बताउनु भयो ।
घटनाबारे विस्तृत विवरण भने आउन बाकी ।