कति छ आज सुनको मूल्य ?

१२ साउन,२०८०।     आज सुन र चाँदीको मूल्य घटेको नेपाल सुनचाँदी व्यवसायी महासंघले जनाएको छ ।
महासंघका अनुसार सुनको मूल्य तोलामा शुक्रबार ९ सय रुपैयाँले घट्दा चाँदीको मूल्य भने तोलामा ४० रुपैयाँले घटेको छ ।
सुनको मूल्य घट्नुमा अमेरिकी केन्द्रीय बैंक फेडरल रिजर्बले निक्षेपको ब्याजदर बढाउनु रहेको बताइएको छ ।

आज छापावाल सुन प्रतितोला मूल्य एक लाख १२ हजार ६ सय रुपैयाँ कायम भएको छ भने तेजावी सुनको मूल्य १ लाख १२ हजार ५० रुपैयाँ रहेको छ ।
यस्तै चाँदीको मूल्य तोलामा ४० रुपैयाँले घटेर प्रतितोला १ हजार ४५० रुपैयाँमा कारोबार भइरहेको छ ।
बिहीबार एक लाख १३ हजार ५ सय रुपैयाँ प्रतितोलामा छापावल सुनको खरिद बिक्री भएको थियो भने चाँदी १ हजार ४सय ९० रुपैयाँमा खरिद बिक्री भएको थियो ।