धादिङमा दिनहुँ डेंगुका बिरामी बढ्दै, शनिबार मात्रै १६ जना संक्रमित

६ साउन, २०८० ।       छिल्लो केहि दिन यता धादिङमा डेंगु संक्रमण हुनेको संख्या बढ्दै गैरहेको छ । धादिङ सहित देशैभर केहि दिन यता डेँगु संक्रमणका बिरामी बढ्न थालेका हो ।
धादिङमा आज मात्रै २४ जनामा संक्रमण पुष्टि भएको छ । जसमध्ये ८ जना पुरुष र ८ जना महिला गरी १६ जना डेङ्गीका बिरामी भेटिएको स्वास्थ्य कार्यालय धादिङले जनाएको छ।
संक्रमितहुनेमा नीलकण्ठ नगरपालिकाका १४ जना,सिद्धलेकका १ जना र त्रिपुरासुन्दरीका १ जना रहेका छन् । साउन १ यता जिल्लामा संक्रमित हुनेको संख्या १३० पुगेको छ। जसमा पुरुष ७१, महिला ५९ जना छन्।
डेंगु संसंक्रमण जोखिमको मौसम सुरु भएसँगै स्वास्थ्य कार्यलय धादिङले सुरक्षित रहन आग्रह गर्दै आएको छ । त्यस्तै पूरा बाहुला भएका लुगा लगाउन, झुल भित्र मात्र सुत्न, झ्यालढोकामा जाली राख्न, घर, कार्यालय, विद्यालय वा सार्वजनिक क्षेत्रमा पानी जम्न नदिन आग्रह गरेको छ । त्यस्तै धादिङ बिभिन्न स्थानीय तहहरु अस्पताल,सोसियल भोलेन्टियर लगायतका सम्बन्धित निकायहरुले बजार क्षेत्रका घरवरपरका खाल्डाखुल्डी पुर्न, खानेपानी वा ढल चुहिएको छ भने तत्काल मर्मत गर्न, पानी जम्मा गर्ने भाँडालाई लामखुट्टे छिर्न नसक्ने गरी छोप्न, साँझ बिहान करेसाबारीमा जाँदा, घर बाहिर वा पार्कमा जाँदा विशेष सावधानी अपनाउन पनि आग्रह गरेको छन ।