चितवनमा बस दुर्घटना १९ यात्रु घाइते

२९ असार २०८०         चितवनको भरतपुर महानगरपालिका वडा नं २९ दासढुंगामा बस दुर्घटना हुँदा १९ यात्रु घाइते भएका छन् ।  काँकडभिट्टाबाट काठमाडौं आउँदै गरेको प्रदेश १–००६ ख ५२३७ नम्बरको बस आज बिहान दुर्घटना हुँदा १९ जना घाइते भएका हुन् । घाइते भएका मध्ये १० जनाको पुरानो मेडिकल कलेज भरतपुर र ८ जनाको जिल्ला सरकारी अस्पतालमा उपचार भइरहेको छ । त्यस्तै एक जनालाई काठमाडौं पठाइएको प्रहरीले जानकारी दिएको छ । बसमा सवार ४० यात्रुमध्ये २१ जना सकुशल छन् । तीव्र गतिमा रहेको बस अनियन्त्रित भइ सडकबाट करिब १० मिटर तल खसेर पल्टिएको थियो ।