रकगायक रविन तामाङको निधन

नेपाली रकगायक तथा अभिनेता रविन तामाङको निधन भएको छ ।
हिजो बेलुका बुढानीलकण्ठ नगरपालिका–५ विष्णुमती चिस्यानीमा रहेको आफ्नै घरमा तामाङको निधन भएको परिवारका सदस्यले बताएका छन् ।
तामाङ घरको कोठाभित्र मृत भेटिनु भएको हो । उहाँको शव पोस्टमार्टमका लागि त्रिवि शिक्षण अस्पताल महाराजगञ्जमा राखिएको छ ।
रविन एण्ड द रिभोलुसन ब्याण्डका भोकलिस्ट समेत रहेका तामाङ पछिल्लो समय चलचित्र अभिनयमासमेत व्यस्त हुनुहुन्थ्यो ।
‘जय पशुराम’, ‘चिसो एष्ट्रे’, मुखौटा’, ‘छड्के’लगायत चलचित्रमा उहाँले अभिनय गर्नु भएको थियो । उहाँको चिसो चिसो हावामा, केटाकेटीलगायत गीत चर्चित रहेका छन् ।