पछिल्लो २४ घण्टामा देशभर थप १ सय ३ जनामा कोरोना भाइरस संक्रमण पुष्टि

पछिल्लो २४ घण्टामा देशभर थप १सय ३ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयले शुक्रवार सार्वजनिक गरेको विवरणअनुसार एक हजार ९ सय २५ नमुना परीक्षण गर्दा १सय ३ जनामा कोरोना संक्रमण पुष्टि भएको हो । पीसीआर परीक्षणमा ५० जनामा र एन्टिजेन परीक्षणमा ५३ जनामा कोरोना पुष्टि भएको छ ।
योसँगै देशभर सक्रिय संक्रमितको संख्या ३सय ७५ रहेको छ ।   साथै पछिल्लो २४ घण्टामा ५३ जना कोरोना संक्रमणमुक्त भएका छन् ।

काठमाडौं उपत्यकामा संस्थागत आईसोलेसनमा २६ जना, आईसीयूमा ८ जना र एकजना संक्रमितको भेन्टिलेटरमा राखेर उपचार भइरहेको मन्त्रालयले जनाएको छ ।