आजको मौसम हेर्नुहोस

आज पश्चिमी क्षेत्रको मौसम आंशिकदेखि सामान्य बदली हुने अनुमान गरिएको छ । अन्य क्षेत्रको मौसम भने सामान्यतया सफा नै रहने मौसमविद्ले बताएका छन् ।

मौसमविद् राजु प्रधानाङ्गका अनुसार दिउँसो पछि सुदूरपश्चिम, कर्णाली र गण्डकी प्रदेशका पहाडी क्षेत्रमा बदली भइ हल्का वर्षाको सम्भावना छ ।

यस्तै, अन्य प्रदेशका पहाडी क्षेत्रका एक/दुई ठाउँमा पनि दिउँसो पछि मेघगर्जन र चट्याङसहित हल्का वर्षाको सम्भावना रहेको उहाँले बताउनुभयो ।

अहिले भने देशका धेरै ठाउँमा घाम लागेको छ । तत्काल ठूलो वर्षाको सम्भावना नरहेको मौसमविद्ले बताएका छन् ।