आजको मौसम : बिहान सफा रहेपनि दिउँसो मौसम बदली हुने

अहिले धेरै ठाउँको मौसम सफा छ । धेरैजसो ठाउँमा अहिले घाम लागेको छ । तर, अहिले घाम लागे पनि दिउँसो मौसम भने बदली हुने मौसमविद् प्रतिभा मानन्धरले जानकारी दिनुभयो । मानन्धरका अनुसार आज पहाडी क्षेत्रका केही ठाउँमा दिउँसो र बेलुका पानी पर्ने सम्भावना छ।

आज कोशी प्रदेश लगाइत पहाडी क्षेत्रको मौसम आंशिकदेखि सामान्य बदली रही बाँकी भू–भागमा मौसम सामान्यतया सफा नै रहने छ । पहाडी क्षेत्रमा मेघगर्जन र चट्याङसहित हल्का पानी पर्ने अनुमान छ । तर हिजोअस्तिको जस्तो लगातार पानी पर्ने सम्भावना नरहेको मानन्धरको भनाइ छ ।

आज हल्का वर्षाको अनुमान छ । हिजोभन्दा आज र आजभन्दा भोलि माैसम खुल्दै जाने मौसमविद्ले बताएका छन् ।