हाइवे बचत तथा ऋण सहकारी संस्थाको रक्तदान कार्यक्रममा ८९ जनाले गरे रक्तदान

हाइवे बचत तथा ऋण सहकारी संस्था लिमिटेडको आयोजनामा आज मंगलबार रक्तदान कार्यक्रम सम्पन्न भएको छ ।

थाक्रे गाउपालिका ७ को जुगेखोलामा रहेको सरस्वती सेवा केन्द्रको स्थापना दिवसको अवसरमा आयोजना गरिएको रक्तदान कार्यक्रममा ६९ जना पुरुष र २० जना महिला गरी ८९ जनाले रक्तदान गरेको हाइवे बचत तथा ऋण सहकारी संस्था लिमिटेडका व्यवस्थापक रिसि राम नेपालले बताउनु भयो ।

रक्तदान कार्यक्रममा नेपाल रेडक्रस सोसाईटी रक्त सञ्चार सेवा केन्द्रको धादिङको प्राविधिक सहयोग रहेको थियो भने सहयोगको रुपमा धादिङ जेसीसको रहेको थियो। धादिङमा अभियानकै रुपमा रक्तदान कार्यक्रम आयोजना गरिदै आएको छ ।  जिल्लामा रगतको अभावलाई न्युनीकरण गर्उने द्देश्यले रक्तदान कार्यक्रमको आयोजना गरिएको संस्थाका अध्यक्ष शिव बहादुर भण्डारीले बताउनु भयो ।

कार्यक्रममा धादिङ रेडक्रसका सभापति दुर्लब कुमार तामाङ,संस्थाका अध्यक्ष शिव बहादुर भण्डारी,सदस्यहरु,कर्मचारी स्थानिय लगायतकोे सहभागीता रहेको थियो ।