देशमा प्राप्त उपलब्धिको रक्षा गर्नुपर्ने एमालेका उपमहासचिव गुरुङको भनाई

नेकपा (एमाले) का उपमहासचिव एवम् प्रचार विभाग प्रमुख पृथ्वीसुब्बा गुरुङले देशमा प्राप्त उपलब्धिको रक्षा गर्नुपर्ने जिम्मेवारी आएको बताउनुभएको छ । प्रेस चौतारी नेपालले आज आयोजना गरेको बधाई कार्यक्रममा उहाँले यस्तो बताउनुभएको हो । निर्वाचनमा एमालेले लोकप्रिय मतमा अगाडि रहेको बताउनुहुँदै त्यसको सही सदुपयोग गर्नुपर्ने बताउनुभयो । निर्वाचनले चाहिनेजति शक्ति आर्जन गर्न नसकेको भन्दै कमी, कमजोरी सच्याएर आत्मा आलोचित भइ अघि बढ्नुपर्ने आवश्यकता रहेको उहाँको भनाइ छ । समानुपातिक तर्फ एमाले अग्रस्थानमा रहकाले सरकारमा जाने सम्भावना रहेको पनि उहाँले चर्चा गर्नुभयो । सो अवसरमा प्रेस चौतारी नेपालका पदाधिकारी तथा अन्य पत्रकारले नवनिर्वाचित गुरुङलाई फूलमालाले बधाइ दिँदै कार्यकाल सफलताको शुभकामना व्यक्त गर्नुभएको थियो ।