देशभर ५३जना कोरोना संक्रमित थपिए, सक्रिय संक्रमित सङ्ख्या ७सय२७ जना

देशभर थप ५३ जनामा कोरोना भाईरसको संक्रमण पुष्टि भएको छ । ७सय ९८ जनाको पिसिआर परिक्षण गर्दा ५० जनामा र ७सय ७३ जनाको एन्टिजेन परीक्षण गर्दा ३ जनामा संक्रमण पुष्टि भएका स्वास्थ्य तथा जनसङ्ख्या मन्त्रालयले जनाएको छ।

यही अवधिमा ५१ जना कोरोना सङ्क्रमणमुक्त भएका छन् । यससँगै देशभर सङ्क्रमणमुक्त हुनेको सङ्ख्या नौ लाख ८७ हजार ५८० पुगेको छ। सङ्क्रमणमुक्त हुने दर ९८ दशमलव ७ प्रतिशत रहेको मन्त्रालयले जनाएको छ ।

हाल सक्रिय सङ्क्रमितको सङ्ख्या ७सय२७ रहेको छ । अहिलेसम्म कोरोनाबाट मृत्यु हुनेको सङ्ख्या १२ हजार १८ पुगेको छ ।