धुनिबेशी नगरस्तरीय फुटबल प्रतियोगिता आज आइतबारबाट सुरु

धादिङको धुनिबेशी नगरपालिका वडा नम्बर ६ तल्लो बानियाटारमा फुटबल प्रतियोगिता आज आइतबारबाट सुरु भएको छ। स्वास्थ्यको लागि खेलकुद, राष्ट्रको लागि खेलकुद, भन्ने नारा रहेको प्रतियोगिताको उद्धघाटन धुनिबेशी नगरपालिका मेयर बालकृष्ण आचार्य र उपमेयर सुरज उप्रेतीले गर्नु भएको हो । फुटबल प्रतियोगिता धुनिबेशीको  ६ ततल्लो बानियाटार खेलमैदानमा सुरु भएको हो ।

बडा दशै तथा शुभ दिपावली २०७९को अवसरमा धुनिबेशी नगरपालिकाको आयोजना तथा नौबिसे युवा समुह धुनिबेशी ६ को समन्वयमा  नगरस्तरीय A/9 Side  फुटबल प्रतियोगिता आज आइतबार असोज ९ गते देखि १६ गते फुलपातीसम्म सञ्चालन हुने आयोजकले जानकारी दिएको छ। प्रतियोगितामा नगरपालिका भित्रका ११ वटा टिमले भाग लिएको आयोजकले बताएको छ ।

प्रतियोगितामा प्रथम हुने टिमले नगद रु. ५५ हजार ५ सय ५५ मेडल,प्रमाण पत्र ,द्धितिय हुनेलाई २६ हजार ५ सय ५५ मेडल, प्रमाण पत्र , त्यस्तै उत्कृष्ट खेलाडीलाई नगद रु. ५ हजार ५ सय ५५ मेडल, प्रमाण पत्र, उत्कृष्ट डिफेन्डरलाई नगर रु. २ हजार ५ सय २५ मेडल, प्रमाण पत्र,त्यसै गरी सर्वाधिक गोल कर्तालाई नगद रु.३ हजार ३ सय ३५ मेडल,प्रमाण पत्र,सर्वाधिक गोल रक्षकलाई नगद रु. २ हजार ५ सय २५ मेडल,प्रमाण पत्र पुरस्कार रहेको आयोजक नौबिसे युवा समुहका अध्यक्ष मनिस उप्रेतीले टोल टोलको खबर लाइ  जानकारी दिनु भएको छ ।