FLASH NEWS

सरस्वती चिल्ड्रेन पार्क इङ्लिस मिडियम स्कुलले मनायो अभिभावक दिवस

  • टोलटोलको खबर
  • टोल टोलका कुरा
  • प्रकाशित मिति:
  • २०८१ चैत्र २३, शनिबार (१८ घण्टा अघि)
  • २६५

    Shares

सरस्वती चिल्ड्रेन पार्क इङ्लिस मिडियम स्कुलले मनायो अभिभावक दिवस

थाक्रे:     धादिङको थाक्रे गाउँपालिका ११ बालुवाफांटमा रहेको सरस्वती चिल्ड्रेन पार्क इङ्लिस मिडियम स्कुलले अभिभावक दिवस मनाएको छ ।
शनिबार विद्यालयको प्राङ्गणमा विभिन्न कार्यक्रमको आयोजना गरी उक्त दिवस मनाएको हो। स्कुलका निर्देशक कपिल अधिकारीकाे अध्यक्षतामा सम्पन्न उक्त कार्यकमकाे प्रमुख आतिथ्यता थाक्रे गाउँ पालिकाका प्रमुख रामकुमार आचार्यले गर्नुभएको थियाे। विश्व तापमानमा हुँदै गइरहेकाे वृद्दिकाे असर बाट जाेगिन आवश्यक छ भन्ने सन्देश दिनका लागि फूलकाे गमलाहरूमा पानी हालेर उद्घाटन गरिएको स्कुलका कार्यकारी निर्देशक रोहित कुमार भण्डारीले टोलटोलको खबर डट कमलाई जानकारी दिनुभयो ।

उक्त कार्यक्रममा बाेल्दै प्रमुख अतिथी तथा पालिकाका प्रमुख रामकुमार आचार्यले यस विद्यालयले वाल मनाेविज्ञानलाई बुझेर साेहि अनुसारकाे शिक्षण पद्धति अपनाएकाे हुनाले विद्यायकाे सिकाइ प्रभावकारी हुँदै गइरहेकाे र यस्ताे सिकाइ दीर्घकालीन रहने बताउनु भयो।

ओैपचारिक र अनाैपचारिक गरि दुई सत्रमा विभाजन गरिएको कार्यक्रममा ओैपचारिक सत्र अन्तर्गत आसन ग्रहण, उद्घाटन, राष्ट्रपति रनिङ शिल्डमा मार्शल आर्ट तर्फकाे उसु खेलमा ४ वटा गाेल्ड मेडल र २ वटा सिल्भर मेडल ल्याउन सफल विद्यार्थीहरुलाई प्रमुख अतिथिकाे हातबाट सम्मान कार्यक्रम र मन्तव्यहरू रहे रहेको थियो भने अनाैपचारिक सत्र अन्तर्गत कार्यक्रममा विद्यार्थीहरुले नृत्यलगायत विभिन्न खेल पर्दशन गरेर एल के जि देखि कक्षा ९ सम्मका विद्यार्थीहरुले उपस्थित अभिभावक, शिक्षक र अतिथिहरुलाई मनोरञ्जन प्रदान गरेका थिए । तेस्तै शिक्षक,अभिभावकलेहरुले पनि कविता, नृत्य गरेर विद्यार्थीलाई साथ दिनु भएको शिक्षक सिर्जना पौडेलले टोलटोलको खबर डट कमलाई जानकारी दिनु भयो ।

कार्यक्रममा विभिन्न वडाका वडा अध्यक्ष , सदस्य , अभिभावक , स्थानीय , समाजसेवि , बुद्धिजिबि विभिन्न संघ सस्थाका प्रमुख तथा प्रतिनिधि लगायतको उपस्थित रहेको थियो।

हामी सामाजिक सञ्जालमा

ताजा अपडेट

खोजी गर्नुहोस