बेनिघाटरोराङ गाउँपालिकाले बालमैत्री स्थानीय शासन अभियानलाई तिब्रता दिने

धादिङ:    धादिङ बेनघाटरोराङ गाउँपालिका बिशालटार,धादिङमा बालमैत्री स्थानीय शासन सम्बन्धि अभिखिकरण कार्यक्रम सम्पन्न भएको छ।

गाउँपालिका तहका जनप्रतिनिधि, बिषयगत शाखाका कर्मचारी तथा सरोकारवालाहरूको लागि बालमैत्री स्थानीय शासनका नितिगत,प्रक्रियागत कार्य कार्यान्वयन र अबलम्बन तथा घोषणा सम्बन्धि जानकारी दिने तथा क्षमता विकास गर्ने तथा पालिका स्तरीय बालमैत्री समिति गठन गर्ने उदेश्यले अभिमुखीकरण कार्यक्रम गरिएको हो । मंगलबार पालिका सभा हलमा भएको अभिमुखिकरण कार्यक्रम गाउँपालिका अध्यक्ष कृष्ण बहादुर थपलियाको अध्यक्षतामा सम्पन्न भएको हो । गाउँपालिकाले बालमैत्री स्थानीय शासनयुक्त पालिका बनाउने अभियानमा तिब्रता दिने अध्यक्ष थपलियाले बताउनु भयो ।

अभिमुखिकरण पछि गाउँपालिका अध्यक्षको अध्यक्षतामा ३१ सदस्यीय बालमैत्री स्थानीय शासन गाउँपालिका समिति गठन गरिएको छ। बालमैत्री स्थानीय शासनको अवधारणा, बालबालिकामा लगानी, बालमैत्री स्थानीय शासन गाउँपालिका तथा वडास्तरीय संरचना र सेवा प्रवाह का ३६ र संस्थागत १५ वटा गरी ५१ सूचकहरू , बालमैत्री स्थानिय शासन अबलम्बनका चरणहरु लगायतका विषयमा प्रयास नेपाल धादिङका कार्यकारी निर्देशक दामोदर अर्यालले सहजीकरण गर्नु भएको थियो ।

अभिमुखीकरण कार्यक्रममा प्रमुख प्रशासकिय अधिकृत नर्बदा घिमिरे ,वडाअध्यक्षहरु, बालक्लबका प्रतिनिधि, शिक्षा अधिकृत बोधराज पाठक , बिययगत शाखा प्रमुखहरु, माध्यमिक बिद्यालयका प्रधानाध्यापकहरु, महिला समूह, महिला स्वयंसेविकाहरु , प्रहरी लगायत ७५ जना सहभागी रहेको महिला, बालबालिका तथा जेष्ठ नागरिक शाखाका निर्जला मगरले जानकारी दिनुभयो ।