गोरखनाथ मन्दिरमा फागुन २६ गते सामुहिक व्रतबन्ध हुने

गत  वर्षको तस्विर

धादिङ:    धादिङको धुनिवेशीमा सामुहिक ब्रतबन्ध कार्यक्रम विगतका वर्षझै यस वर्ष पनि हुने भएको छ । धुनिबेशी नगरपालिका वडा नम्बर-५ स्थित बिजयपुरमा रहेको गोरखनाथ मन्दिरमा यहि फागुन २६ गते सामुहिक ब्रतबन्ध हुने गोरखनाथ कल्याण केन्द्र नेपालका केन्द्रिय अध्यक्ष अर्जुन प्रसाद रेग्मीले जानकारी दिनुभयो ।

वि.स. २०६५ सालमा स्थापना भएको गोरखनाथ कल्याण केन्द्र नेपालले यसअघिका बर्षहरुमा पनि सामुहिक ब्रतबन्धको आयोजना गर्दै आएको अध्यक्ष रेग्मीको भनाई छ । विजयपुरमा वि.स. २०७२ सालमा मन्दिर स्थापना भएपछि मन्दिरमा नै सामुहिक ब्रतबन्ध गर्दै आएको सँस्थाले त्यसअघि धार्केमा ब्रतबन्ध गराउँदै आएको थियो ।

गोरखनाथ कल्याण केन्द्र नेपाल धार्के शाखाका अध्यक्ष हरिहर रेग्मीले यसवर्ष १४ औँ सामुहिक व्रतबन्ध गर्न लागिएको बताउनुभयो। विभिन्न सामाजिक कार्यहरुका साथै मन्दिरमा हरेक दिन बिहान र बेलुकाको आरती संगै भजन कृतन हुने गर्दछ भने विभिन्न चाडपर्वमा मेला पनि लाग्ने गरेको छ ।