थाक्रे ३ मा माटोको ढिस्कोले पुरिएर एकजनाको मृत्यु

थाक्रे :   धादिङको थाक्रे गाउँपालिका ३ बान्द्रे स्थित आग्राखोलामा माटो खन्ने क्रममा माथिबाट माटोको ढिस्को खस्दा पुरिएर घाईते भएका मध्ये एक जनाको उपचारको क्रममा मृत्यु भएको छ । मृत्यु हुनेमा मकवानपुरको थाहा नगरपालिका ११ घर भई हाल धादिङ थाक्रे गाउँपालिका ३ बान्द्रे बस्ने वर्ष २७ को राजु बल रहेका छन् ।

बिहिबार दिउँसो माटोको ढिस्कोले पुरेकोमा स्थानियहरुले उनलाई उद्धार गरी उपचारको लागी महादेववेशीको टाईम्स केयर अस्पतालमा सामान्य उपचार गराएपछि ट्रमा सेन्टर काठमाण्डौँ पठाईएकोमा उपचारका क्रममा साँझ करिब ७ बजेको समयमा मृत्यु भएको जिल्ला प्रहरी कार्यालय धादिङले जनाएको छ ।

यस्तै खोटाङ बारापोखरी घर भई अहिले धादिङ थाक्रे बस्ने वर्ष ४२ कि नम्रता राई सामान्य घाईते भएकी छिन् । सामान्य उपचार पछि उनको डिस्चार्ज भईसकेको प्रहरी चौकी महादेववेशीले जनाएको छ ।