फुलखर्क धादिङ : गाउँपालिका योजना तर्जुमा प्रक्रिया सम्बन्धि २ दिनको तालिम सोमबारबाट भएको छ । गंगाजमुना गाउँपालिकाको तालिम हलमा भएको तालिममा २२ वटा कृषक समुहका अगुवा ,लैगिक च्याम्पियनहरु सहित २७ जनाको सहभागी रहेको छ । तालिम प्रयास नेपाल धादिङले आड्रा नेपालको साझेदारीतामा गंगाजमुना संचालित रिलिफ परियोजनाको सहयोग भएको हो ।
परियोजनाको सहजिकरणमा गठन भएको कृषक समुहका एक ,एक जना समुदायका अगुवा सदस्यहरुको लागि गाउँपालिका योजना तर्जुमा प्रक्रिया सम्बन्धि बिषयमा तालिम संचालन भएको हो । कृषक समुहका अगुवाहरूलाई गाउँपालिकाको योजना तर्जुमा प्रक्रियामा प्रभावकारी भूमिका खेल्न सक्षम बनाउने र समुदाय तहमा नेतृत्व विकास गर्ने उद्देश्यले २ दिने गरिएको प्रयास नेपाल धादिङका उपाध्यक्ष उषा बिकले बताउनु भयो । स्थानीय योजना तर्जुमा प्रक्रियाबारे जानकारी दिनु रहेको थियोे ।
तालिममा गंगाजमुना गाउँपालिका अध्यक्ष भक्त बहादुर लामा ,उपाध्यक्ष रामेश्वर सिम्खडा,वडा नं ५ का वडाध्यक्ष कुमार बहादुर अधिकारी ,गैसस महासंघका अध्यक्ष शालिकराम डुवाडी,आड्रा नेपालका अधिकृत दिलिपचन्द्र ढकाल ,प्रयास नेपाल धादिङका उपाध्यक्ष उषा बिक सहित फिल्डमा कार्यरत कर्मचारीहरु लगायतको सहभागीता रहेको थियो ।
गाउँपालिकाको नीति तथा बजेट निर्माण प्रक्रियामा समुदायको संलग्नताको महत्व ,योजना तर्जुमा प्रक्रिया र सात चरणहरू, योजना तर्जुमामा टोलबस्ती तथा समुदायको भूमिका र समावेशी सहभागिता, वडा तथा पालिका तहमा योजना माग गर्ने प्रक्रिया निवेदन तथा प्रस्तावनाको ढाँचा आवश्यक काजजातहरु लगायतका बिषयमा प्रशिक्षण भएको थियोे ।
योजना माग निवेदन, समूहको योजना माग निर्णय, प्रस्तावना तयारी, कार्यान्वयन, अनुगमन, तथा मूल्यांकन र योजना सम्झौता,र फरपारक गर्दा पेश गर्नु पर्ने आवश्यक कागजातहरु, र पेशगर्ने समय , स्थानीय स्रोत परिचालन र सहकार्य लगायतका वियषबस्तुमा गंगाजमुना गाउँपालिकाका बरिष्ट सहायक युवराज थपलियाले सहजिकरण गर्नु हुने प्रयास नेपाल धादिङका सामुदायिक सहजकर्ता कविता सापकोटाले जानकारी दिनु भयो ।
यसै गरि खनियावास गाउँपालिका वडा नं ४ चौकीमा आईतवारबाट शुरु भएको योजना तर्जुमा प्रक्रिया सम्बन्धि तालिम सोमबार सम्पन्न भएको छ । २६ जना समुदायका अगुवा कृषकहरू सहभागी रहेको तालिमको वियषबस्तुमा खनियावास गाउँपालिकाका योजना अधिकृत नवराज श्रेष्ठले सहजिकरण गर्नु हुने दार्खाबाट प्रयास नेपाल धादिङका पशुस्वास्थ्य प्राविधिक रुपेश तामाङले जानकारी दिनु भयो ।
कार्यक्रममा गंगाजमुना गाउँ पालिका प्रमुख प्रशासकीय अधिकृत सञ्जय बहादुर स्याङ्ताङ को समेत उपस्थिति रहेको थियो।
