बाल विवाह अन्त्य सम्बन्धि सचेतनामुलक अनुशिक्षण कार्यक्रम सम्पन्न ।

धादिङ:  बाल विवाह अन्त्य सम्बन्धि सचेतनामुलक अनुशिक्षण कार्यक्रम सम्पन्न भएको छ ।
धादिङको गंगाजमुना गाउँपालिकाको आयोजनामा माध्यमिक तह कक्षा ८-१२ का बिद्यार्थीहरुको लागि १ दिने अनुशिक्षण गरिएको हो । आइतबार सम्पन्न भएको कार्यक्रममा रि मावि गंगाजमुना वडा नं १ मा एक सय ४० जना र पासाङचोक महादेव मावि वडा नं २ तावलमा भएको कार्यक्रम ८२जना बिद्यार्थीहरुको सहभागीता रहेको थियो ।

अनुशिक्षण कार्यक्रममा नेपालमा बालबालिका तथा बालविवाहको बिद्यमान अवस्था र कानुनी प्रावधान, समसामयिक चुनौती र समाधान , बाल विवाह नियन्त्रण तथा रोकथाम उपायहरु, भएका प्रयासहरु, बाल बिवाहको कारण र त्यसको असर, बाल अधिकार , बाल विवाह कारण हुने नकारात्मक असरहरु,सजायको व्यवस्था,बाल विवाह न्युनिकरणमा सरोकारवालाहरुको भुमिका लगायतका बिषयमा प्रयास नेपाल,धादिङका कार्यकारी निर्देशक दामोदर अर्यालले प्रशिक्षण दिनु भएको थियोे ।

अनुशिक्षण कार्यक्रममा गंगाजमुना गाउँपालिका वडा नं २ का अध्यक्ष बल बहादुर तामाङ ,शिक्षा तथा खेलकुद शाखा प्रमुख मान बहादुर बोहरा, शिक्षक सन्तोष तिमल्सेना,सामि कार्यक्रमका अमित अधिकारी,पासाङ चोकमहादेव माविका प्रधानाध्यापक सिर बहादुर तामाङ ,रि माविका प्रधानाध्यापक रामचन्द्र सिटौला लगायतको सहभागी रहेको गंगाजमुना गाउँपालिका महिला ,बालबालिका तथा जेष्ठ नागरिक शाखा प्रमुख प्रतिमा भट्टले जानकारी दिनु भयो ।

कार्यक्रम सहभागी विद्यार्थीहरुले आफुहरुले बाल विवाह नगर्ने ,साथीहरूको बाल विवाह हुन लागेको जानकारी भएमा सम्बन्धित निकायमा सुचना दिने ,अभिभावकहरुलाइ भेटि सम्झाउने र बाल विवाह विरुद्ध आवाज उठाउने प्रतिबद्धता गरेका पनि शाखा प्रमुख भट्टले जानकारी दिनु भयो ।