थाक्रे ८ मा रहेको महाङ्काल मन्दिरमा आज र भोलि रथ जात्रा लाग्ने

थाक्रे :   महाङ्काल मन्दिरमा आज र भोलि रथ जात्रा हुने भएको छ।
धादिङको थाक्रे गाउपालिका ८ महाङ्कालमा रहेको गणेश र महाङ्काल भगवती को रथ जात्रा मनाइदै आएको हो। हरेक वर्ष योमरी तथा धन्य पुर्णिमाको पञ्चमी तिथिको दिन बेलुका र षष्ठी तिथिका दिन दिउसोको जात्रा लाग्ने गर्दछ।

परा पुर्व कालदेखिनै नेवार समुदाय र ब्राह्मण समुदायहरुले उक्त भगवतीको मुकुट लाइ पञ्चमी तिथिको दिन बेलुका पुजारीको घरमा बिसेष पुजा गरेर नेवारी बाजा र पन्चे बाजा लगाएत भजन सहित गणेश र देवीको मुकुट लाइ रथमा राखी मन्दिरमा लगिन्छ र पुजा आराधाना गर्ने रातभर बत्ति बालेर जाग्राम बस्ने गरिन्छ भने षष्ठी तिथिका दिन बिहान पनि बिसेष पुजा गरि दिनभरि रमाइलो गर्ने र उक्त दिन बेलुका पुन सोहि मुकुट लाइ पुजारीको घरमा लगेर राख्ने चलन रहेको छ।

जात्रामा धादिङ, मकवानपुर ,काठमनडौ नुवाकोट लगायतका स्थान बाट भक्तजन हरु आउने गर्दछन।