थाक्रेमा भएको मल्डूङ कपमा भूमीचुली बिजयी

थाक्रे :   थाक्रे गाउँपालिका ३ स्थित प्रगतिशील युवा क्लवको आयोजनामा भएको ५ (ए) साईड प्रथम मल्डूङ कप खुल्ला नकआउट फुटबल प्रतियोगिता भूमीचुली युवा क्लबले जित्न सफल भएको छ।

बिहिबार सम्पन्न भएको फाईनल खेलमा भूमीचुलीले आहुती युवा क्लबलाई पराजित गर्दै जित्न सफल भएको हो। निर्धारित समयमा दुबै टिमको १-१ गोल भएपछि भएको पेनाल्टीमा भूमीचुलीले २-१ को गोलको अन्तरले विजयी भएको आयोजक क्लबका अध्यक्ष निकेश तामाङले टोलटोलकोखबर डट कम लाइ जानकारी दिनु भयो।

२५ टिमले भाग लिने यस प्रतियाेगिताकाे विजेता भूमीचुलीलाई नगद २० हजार शिल्ड, मेडल, प्रमाण पत्र र उपविजेता आहुतीलाई नगद १० हजार शिल्ड, मेडल र प्रमाण पत्र सहितको पुरस्कार थाँक्रे गाउँपालिकाका अध्यक्ष रामकुमार आचार्य र थाक्रे ३ का वडा अध्यक्ष बिजय लामा घलानको हातबाट प्रदान गरिएको अध्यक्ष तामाङले बताउनु भयो। कार्यक्रममा पुर्व उपाध्यक्ष अम्बिका रुपाखेती ,वडा सदस्यहरु ,स्थानिय लगायतको उपस्थिति रहेको थियो।