धादिङ सहित देशका विभिन्न स्थानमा वर्षा सतर्कता अपनाउन अनुरोध 

६भदौ , धादिङ  :  धादिङ सहित  देशका विभिन्न स्थानमा गए राती देखिनै वर्षा भइरहेको छ। बागमती कोशी, मधेश,  गण्डकी र लुम्बिनी प्रदेशका केही ठाउँमा वर्षा भइरहेको मौसम पूर्वानुमान महाशाखाले जनाएको छ।
बागमतीमा गएरातिदेख नै वर्षा भइरहेको हो। बाँकी प्रदेशका एकदुई स्थानमा मेघगर्जन र चट्याङसहित हल्का वर्षा भइरहेको हो ।

महाशाखाका अनुसार सबै प्रदेशका केही स्थानमा मेघगर्जन र चट्याङसहित हल्कादेखि मध्यम वर्षाको सम्भावना छ। कोशी, मधेश र सुदूरपश्चिम प्रदेशका थोरै स्थानमा तथा बाँकी प्रदेशका एकदुई स्थानमा भारी वर्षाको सम्भावना छ।

राति कोशी, बागमती, गण्डकी, लुम्बिनी र सुदूरपश्चिम प्रदेशका केही स्थानमा वर्षा हुनेछ। बाँकी प्रदेशका थोरै स्थानमा मेघगर्जन र चट्याङसहित हल्कादेखि मध्यम वर्षाको सम्भावना रहेकोले खोला नदी तटीय क्षेत्रमा बस्नेहरुलाई पनि सतर्कता अपनाउन महाशाखाले अनुरोध गरेको छ ।