अप्ठ्यारो अवस्थामा आफू मन्त्रालयमा आइपुगे : कृषि मन्त्री रामनाथ अधिकारी

४भदौ ,धादिङ :  कृषि तथा पशुपन्छी विकास मन्त्री रामनाथ अधिकारीले आफू अप्ठ्यारो अवस्थामा मन्त्रालयमा आइपुगेको बताउनुभएको छ ।

मंगलबार काठमाडौंमा आयोजित एक कार्यक्रममा मन्त्री अधिकारीले कर्मचारी समायोजनको समस्याले एक महिनासम्म राम्ररी काम गर्न नसकिएको भन्दै आफू अप्ठ्यारो अवस्थामा मन्त्रालयमा आइपुगेको बताउनुभएको हो ।

मन्त्री पदमा  बहाली भएपछि २५ करोड रुपैयाँ दूध किसानको हातमा गइसकेको बताउँदै अधिकारीले डेढ अरब रुपैयाँ किसानलाई तिर्न बाँकी रहेको बताउनुभयो।

उहाँले भन्नुभयो,‘६५ रुपैयाँमा किनेको दूध ९५, ९८ र १०० रुपैयाँ लिटरमा बिक्री गरेर बीचमा ३० रुपैयाँ पनि लिने, त्यसको मख्खन पनि झिक्ने अनि किसानलाई चाहिं पैसा छैन भनेर नदिने,यस्तो मुलुक अन्त कतै पाइएला।’

कृषि मन्त्रालयले पछिल्लो २/५ वर्षको बीचमा अरबौं रुपैयाँ अनुदान दिएको,२०/२५ लाखको कुरा होइन, ठूला अनुदान लिनेको जरोकिलो केही पनि नभएको भन्दै यो खोजी गरेर सार्वजनिक हुने बताउनुभयो ।

ठूलो परिमाणमा अनुदान लग्नेहरूको कुनै काम नदेखिएको बताउनुभयो ।

मन्त्री अधिकारीले ‘मन्त्रालयमा अप्ठ्यारा छन्, उखु किसानलाई गत वर्षको भुक्तानी दिन नसक्ने हो भने दशैंको बेलामा जुलुस निस्कँदैछ । त्यो पनि जानकारी छ,’भन्नुभयो।