एसइईको पुरक परीक्षा आजदेखि : तालिका सहित

२३ साउन ,२०८१:   आजदेखि माध्यमिक शिक्षा परीक्षा एसइईको ग्रेड वृद्धि अर्थात् पुरक परीक्षा शुरु हुँदैछ ।

राष्ट्रिय परीक्षा बोर्डले यसअघि उत्तीर्ण हुन नसकेकाहरुलाई आजदेखि ग्रेड वृद्धि परीक्षा सञ्चालन गरेको हो । परीक्षा बिहान ११ बजेदेखि शुरु हुनेछ ।

परीक्षाका लागि देशभर पाँच सय ५० केन्द्र निर्धारण गरिएको छ भने दुई लाख १० हजार विद्यार्थी सहभागी हुने बोर्डले जनाएको छ ।

परीक्षा साउन ३१ गतेसम्म सञ्चालन हुनेछ ।नतिजा असोजको पहिलो हप्ता भित्र सार्वजनिक गर्ने बोर्डले जनाएको छ ।

पुरक परीक्षामा उत्तीर्ण विद्यार्थीले यसै वर्ष कक्षा ११ को अध्ययन गर्न पाउनेछन् ।यसवर्षको नतिजामा ४८ प्रतिशत परीक्षार्थी मात्रै उत्तीर्ण भएका थिए ।

यस्तो छ,परिक्षा तालिका