मुगुको सोरुमा जीप दुर्घटना दुइ जनाको घटनास्थलमै मृत्यु,६ जना गम्भीर घाइते

२९ साउन २०८०,  मुगुको सोरुमा जीप दुर्घटना हुँदा दुइ जनाको घटनास्थलमै मृत्यु भएको छ । अन्य ६ जना गम्भीर घाइते रहेका मुगुका प्रहरी प्रमुख एवं् प्रहरी उपरीक्षक महेश बस्नेतले जानकारी दिनुभयो । उहाँका अनुसार मृतक र घाइतेको पहिचान हुन बाँकी रहेको छ । सोरु गाउँपालिकाको सोरुकोटबाट गमगढी जाँदै गरेको ज १ च ७७६२ नम्बरको जीप आज साँझल सडकबाट करिब २ सय मिटर तल खसेको एसपी बस्नेतको भनाई छ । घटनालगत्तै घाइतेहरूको उद्धारको लागि सोरुकोट प्रहरी चौकी र तारापानी प्रहरी चौकीको प्रहरी टोली घटनास्थलतर्फ गएका छन् । तर, बाटो अवरुद्ध भएका कारण सवारीसाधनसमेत नपुग्दा घाइतेको उद्धारमा कठिनाइ आएको एसपी बस्नेतले जानकारी दिनुभयो ।