धादिङमा आज थप ८४ जनामा डेँगु संक्रमण पुष्टि, सुरक्षित रहन आग्रह

२४ साउन, धादिङ ।     धादिङमा आज थप ८४ जनामा डेँगु संक्रमण पुष्टि भएको छ ।
संक्रमण पुष्टि हुनेहरुमा नीलकण्ठ नगरपालिकाका ७७ जना, सिद्दलेक गाउपालिकामा २ ,ज्वालामुखी गाउपालिकाम ३ जना ,खानायावास गाउपालिकामा १ जना , रुभीभ्याली गाउपालिकामा १ जना रहेको स्वास्थ्य कार्यलय धादिङले जनाएको छ ।

जसमध्ये ५२ जना पुरुष र ३२ जना महिला रहेका छन् । यो सँगै जिल्लामा संक्रमित हुनेको संख्या १ हजार १ सय २५ जना पुगेको छ । जसमध्ये ५ सय ८९ जना पुरुष र ५ सय ३६ जना महिला रहेको स्वास्थ्य कार्यलय धादिङले जनाएको छ । डेंगु संक्रमण जोखिमको मौसम सुरु भएसँगै स्वास्थ्य कार्यलय धादिङ र ,स्थानीय तहहरुले सुरक्षित रहन आग्रह गर्दै आएका छन् ।
त्यस्तै पछिल्लो समय डेंगुको संक्रमण बढ्दै जान थालेपछि स्थानीय तहरुले लामखुट्टेको वासस्थानको खोजी गरेर नष्ट गर्ने कार्यक्रम समेत गरिरहेका छन् ।