थाक्रे ६ महादेववेशीमा बजार व्यवस्थापन समिति गठन

२३ जेठ ,२०८०, थाक्रे  :     थाक्रे ६ महादेववेशीमा बजार व्यवस्थापन समिति गठन गरिएको छ ।
जंग बहादुर तामाङको अध्यक्षतामा मंगलबार ३५ जना सदस्य रहनेगरि बजार व्यवस्थापन समिति गठन गरिएको हो।  नागरिक सचेतना समुहकाे आयोजनामा विश्व वातावरण दिवसको अवसरमा उक्त समिति गठन गरिएको हो। बजारको फाेहाेर व्यवस्थापन गरि बजारलाई स्वास्थ र स्वच्छ राख्न समिति गठन गरिएको आयोजकले जनाएको छ। विश्व वातावरण दिवसको दिन सोमबार अन्तरक्रिया गरिएको थियो। उक्त कार्यक्रममा थाक्रे गाउपालिकाको मुख्य केन्द्र महादेववेशी वजार सरसफाइ तथा वजारब्यवस्थापन बिषयमा अन्तरक्रिया , स्थानीयहरुको सवालमा समुदायको चासाे र जिज्ञासा सहित संचालन भएकाे थियाे।

कार्यक्रममा थाक्रे गाउपालिकाका अध्यक्ष रामकुमार आचार्य , उपाध्यक्ष यन्त्र बहादुर थापा (जिन्दगि ) वडा न ३ का वडा आध्यक्ष विजय तामाङ , वडा नम्बर छ का वडा अध्यक्ष हिरा बहादुर थापा , सिड्स धादिङ्गका कार्यकारी निर्देशक गोकर्ण रुपाखेती, विभिन्न राजनीति दलका प्रतिनिधि, सरकारवाला , ब्याबसायी , बालक्लब र युवा क्लब, बिभिन्न सहकारीका प्रमुख ताहा प्रतिनिधि लगाएतले बजार सरसफाई राख्न सहयोग गर्ने प्रतिबद्धता ब्यक्त गर्नु भएको छ ।