आज तीन प्रदेशमा मेघगर्जनसहित वर्षा हुने

सोमवार, जेष्ठ ८, २०८० ,    अज स्थानीय र पश्चिमी वायुको सामान्य प्रभाव कायम रहेकाले कोशी, गण्डकी र बागमती प्रदेशका केही स्थानहरुमा मेघगर्जनसहित वर्षा हुने जल तथा मौसम पूर्वानुमान महाशाखाले जनाएको छ ।

आज सोमबार दिउँसो बागमती प्रदेश,कोशी प्रदेश र गण्डकी का भू–भागमा आंशिकदेखि सामान्य बदली रही पहाडी भू–भागका थोरै स्थानहरुमा वर्षा हुनेछ ।

बाँकी प्रदेशका पहाडी भू–भागका एक–दुई स्थानमा मेघगर्जन र चट्याङ्ग सहित हल्का वर्षा हुने महाशाखाले उल्लेख गरेको छ ।

बाँकी भू–भागमा मौसम सामान्यतया सफा रहनेछ ।

सोमबार राति बागमती,कोशी र गण्डकी प्रदेशका पहाडी भू–भागमा मौसम आंशिकदेखि सामान्य बदली रहनाले पहाडी भू–भागका थोरै स्थानमा मेघगर्जनसहित क्षणिक वा हल्का वर्षाको सम्भावना रहेको छ ।