महालक्ष्मी विकास बैंकको २९ औं बार्षिक उत्सवको अवसरमा रक्तदान कार्यक्रम, ८९ जनाले गरे रक्तदान

जेठ ७, २०८० ,धार्के।      महालक्ष्मी विकास बैंकको २९ औं बार्षिक उत्सवको अवसरमा आईतबार रक्तदान कार्यक्रम भएको छ । धुनिबेशी नगरपालीका ६ धार्के मा रहेको महालक्ष्मी विकास बैंकको शाखा कार्यालय धार्केमा रक्तदान कार्यक्रम भएको हो ।
रक्तदान कार्यक्रममा ८९ जनाले रक्तदान गरेको नेपाल रेडक्रस सोसाइटी धुनिवेशी उपशाखाका सभापती रामबाबु रेग्मीले जानकारी दिनु भयो । उक्त रक्तदान कार्यक्रममा १२ जना महिला र ७७ जना पुरुषले रक्तदान गर्नु भएको थियो ।

रक्तदान कार्यक्रममा रक्तसञ्चार केन्द्र धादिङ, धादिङ जेसीज, नेपाल रेडक्रस सोसाइटी धुनिवेशी उपशाखाको संयोजन तथा सहयोग रहेको थियो । कार्यक्रममा धादिङ रेडक्रसका सभापति दुर्लब कुमार तामाङ,विभिन्न बैंक तथा संस्थाका प्रतिनिधिहरु, स्थानीय लगाएतको सहभागिता रहेको थियो ।