प्रदेश सदस्य मदुकुमार श्रेष्ठले आफ्नो तलब भत्ता बाट आएको रकम गरे वितरण

धादिङको क्षेत्र नम्बर १ ( क) का प्रदेश सदस्य मदुकुमार श्रेष्ठले पाउने तलब भत्ता बाट आएको रकम आज शनिबार  दुखि र असाहयहरुलाई वितरण गर्नु भएको छ। आज थाक्रे ६ महादेबबेशीमा आफ्नो निर्वाचन क्षेत्र भित्र रहेका दुखि र असाहयहरुको लागि एक कार्यक्रमका बिच आवश्यक १ थान बैसाखी , ३ थान हुइलचियर ,२० जना लाई नगद र ४० थान चस्मा वितरण गर्नु भएको हो । निर्वाचन अगि आफुले गरेको प्रतिबद्धता अनुसार श्रेष्ठले उक्त रकम वितरण गर्नु भएको हो। नेपाली कांग्रेसका केन्द्रिय महामन्त्री माननीय गगन थापाको प्रमुख आतिथ्यता मा भएको कार्यक्रममा श्रेष्ठले रकम वितरण गर्दै आफु सधै जनताको लागि काम गरिरहेको र भोलिका दिनहरुमा पनि कुनै पनि दल पार्टी नभनी सदैब सहयोग गरिरहने बताउनु भयो। श्रेष्ठले यसघि पनि बिभिन्न यस्ता सामाजिक कार्यहरु गर्दै आइरहनुभएको छ। कार्यक्रमका प्रमुख अतिथि एबम नेपाली कांग्रेसका केन्द्रिय महामन्त्री गगन थापाले पनि निकै राम्रो काम गरेको भन्दै श्रेष्ठलाइ धन्यवाद दिदै यस क्षेत्रमा अझै महत्वपूर्ण कामहरु गर्न सकिने बताउनु भयो। यस्तै कार्यक्रममा बिभिन्न नेता तथा स्थानीय हरुको सह भागिता रहेको थियो।