कोरोना भाइरसको संक्रमण बाट थप एक जनाको मृत्यु, ३८३ जना सक्रिय संक्रमित

नेपालमा कोरोना भाइरसको संक्रमण बाट थप एक जनाको ज्यान गएको छ । योसहित नेपालमा कोरोना संक्रमणबाट ज्यान गुमाउनेको संख्या १२ हजार २७ जना पुगेको स्वास्थ्य तथा जनसंख्या मन्त्रालयले जनाएको छ ।

यस्तै थप ७८ जनामा कोरोना संक्रमण पुष्टि भएको छ । एक हजार १ सय ४८ जनाको नमूना परीक्षण गर्दा ७८ जनामा कोरोना संक्रमण पुष्टि भएको हो । यस्तै ५० जना संक्रमित निको भएका छन् । नेपालमा कोरोना भाइरसका सक्रिय संक्रमितको संख्या भने तीन सय ८३ जना पुगेको छ ।