थाक्रे ९ र १० मा माता तिर्थ औंशी विशेष सम्मान कार्यक्रम गरि मनाइयो।

आज माता तिर्थ औंशी अर्थात आमाको मुख हेर्ने दिन । आजको दिन आफुलाई जन्म दिने आमाप्रति श्रद्धा, भक्ति, सम्मान तथा आदर व्यक्त गर्दै आशिर्वाद लिएर मनाइँएको छ ।
उक्त अवसरमा थाक्रे गाउपालिका १० मा मातातिर्थ औंशी विशेष सम्मान कार्यक्रम गरिएको छ।
“एकल तथा जेष्ठ आमाको पहिचान गरौं सबैले यिनीहरुको सम्मान” भन्ने नाराका साथ् कार्यक्रम मनाइएको हो ।
थाक्रे गाउपालिका १० को आयोजनामा भएको कार्यक्रममा जेष्ठ तथा बृद्धभत्ता लिएका आमा र एकल महिलाहरुलाई सम्मान गरि मातातिर्थ औंशी मनाइएको थाक्रे १० वडा अध्यक्ष गोकुल प्रसाद लामिछानेले बाताउनु भयो।

थाक्रे १० का वडा सदस्य देवकी पौडेलले स्वागत गर्नु भएको कार्यकममा पालिकाका पुर्व उपाध्यक्ष अम्बिका रुपाखेतीले एकल तथा जेष्ठ आमाहरुलाई सदैब सम्मान कासाथ राख्नु पर्ने भन्दै उपस्थित आमा हरुलाई औंशीको शुभकामना दिनु भयो।
कार्यक्रममा पालिकाका अध्यक्ष रामकुमार आचार्यले जेष्ठ आमाको शुझाब सल्लाह मनन गर्दै अगाडि बढ्ने र पालिकाले सदैब जेष्ठ आमा तथा बाहरुको लागि बिभिन्न कार्यक्रम हरु लेराएको बताउनु भयो साथै उपस्थित आमा हरुलाई सुस्वास्थ्य दिर्घायुको कामना गर्दै औंशीको शुभकामना दिनु भयो।

कार्यक्रममा नेकपा एमालेका केन्द्रिय सदस्य बाबुराम थापाले आफुले यस्तो महत्त्वपूर्ण सम्मान कार्यक्रम पहिलो पटक देखेकोर आफुखुसि भएको भन्दै पालिका तथा वडा लाइ धन्यवाद समेत दिनु भयो। यस्तै भोलिका दिन हरुमा पनि यस्तो कार्यक्रम गर्न आग्रह गर्नु हुदै आमाहरुलाई शुभकामना दिनु भयो।

कार्यक्रमा वडा सदस्य , समाज सेवी लगाएतको सहभागिता रहेको थियो। थाक्रे गाउँपालिका ९ ले पनि यस्तै एकल तथा जेष्ठ आमाहरुको सम्मान गरि कार्यक्रम मनाएको छ ।