सरकार सञ्चारमाध्यमको व्यावसायिक र संस्थागत विकास गर्न प्रतिबद्ध छ , प्रधानमन्त्री

आज प्रधानमन्त्री पुष्पकमल दाहाल प्रचण्डले प्रजातन्त्रको सुदृढीकरण र जनसमुदायमा लोकतान्त्रिक चेतनाको विकासमा सामुदायिक रेडियोहरुले महत्वपूर्ण योगदान दिन सफल भएको बताउनु भयो ।

सामुदायिक रेडियो प्रसारक संघ (अकोराब) २५ औँ स्थापना दिवसका अवसरमा आयोजित कार्यक्रममा बिहिबार प्रधानमन्त्री प्रचण्डले सम्बोधनको क्रममा संघीय लोकतान्त्रिक गणतन्त्र स्थापना, मानवअधिकार, विधिको शासन र सामाजिक रूपान्तरणमा नेपालका सामुदायिक रेडियोको महत्वपूर्ण भूमिका रहेको बताउनु भएको हो।

संविधान र लोकतन्त्रमाथि गरिएका प्रहारको विरुद्ध र लोकतान्त्रिक प्रणालीको विकासमा सामुदायिक रेडियोको भूमिका महत्वपूर्ण रहेको भन्दै प्रधानमन्त्री प्रचण्डले भाषिक र सांस्कृतिक विविधताको संरक्षण र संवर्द्धनमा समेत रेडियोको पहलकदमी स्मरणीय रहेको बताउनुभयो ।

प्रधानमन्त्री प्रचण्डले सञ्चारमाध्यमको व्यावसायिक र संस्थागत विकास गर्दै सबै वर्ग, क्षेत्र, जाति, भाषा र समुदायको पहुँचमा पु¥याउन सरकार प्रतिबद्ध रहेकोसमेत स्पष्ट पार्नुभयो ।

उहाँले सबै प्रकारका सञ्चारमाध्यम र पत्रकारको भौतिक एवम् पेशागत सुरक्षा र स्थायित्वका लागि स्थायी प्रकृतिको पत्रकारिता विकास कोष स्थापना गरिने पनि बताउनु भयो ।
Sudarshan Khatiwada