नेपाल रेडक्रस सोसाईटी जिल्ला शाखा धादिङको सभापतिमा दुर्लभ कुमार तामाङ निर्वाचित

धादिङ।   नेपाल रेडक्रस सोसाईटी जिल्ला शाखा धादिङको सभापतिमा दुर्लभ कुमार तामाङ निर्वाचित हुनु भएको छ । जिल्ला शाखाको ३६ औँ बार्षिक साधारण सभा तथा १२ औँ जिल्ला अधिबेशनले सभापतिमा तामाङलाई निर्विरोध निर्वाचित गरेको हो । अधिबेशनले तामाङको सभापतित्वमा १७ सदस्यीय कार्यसमिति निर्विरोध निर्वाचित गरेको छ । कार्यसमितिको महिला उप–सभापतिमा अप्सरा सिंखडा, उप–सभापति धु्रव बहादुर थापा, मन्त्रीमा नेम बहादुर श्रेष्ठ, कोषाध्यक्षमा नारायण कुमार श्रेष्ठ, उप–मन्त्रीमा मिम्वा तामाङ र उप–कोषाध्यक्षमा राजन सिंखडा चयन हुनुभएको छ । त्यस्तै सदस्यहरुमा सिर्जना पाण्डे थापा, कमला खड्का, संगिता पाण्डे विसुराल, जंग बहादुर तामाङ, नकुल बहादुर कार्कि, कान्छा तामाङ, राजन रेग्मी (निशान), भिमकान्त सिलवाल, राजकुमार श्रेष्ठ र पवन थपलिया रहेका छन् ।