भिमसेन स्मृति कपको उपाधि एड्भान्स एकेडेमीले जित्यो

पवित्रा थापा मगर, धादिङ।     धादिङमा भएको भिमसेन स्मृति कपको उपाधि एड्भान्स एकेडेमीले हात पारेको छ । नीलकण्ठ माध्यामिक विद्यालयका पूर्व विद्यालय व्यवस्थापन समितिका अध्यक्ष भिमसेन कुमार श्रेष्ठको स्मृतिमा आयोजना भएको कपको उपाधि एड्भान्स एकेडेमीले हात पारेको हो । त्यस्तै पशुपति माध्यमिक विद्यालय द्धितिय र नीलकण्ठ माध्यमिक विद्यालय भएको छ । प्रतियोगितामा प्रथम भएका एड्भान्स एकेडेमीलाई ३० हजार, द्धितिय भएको पशुपति माध्यमिक विद्यालयलाई २० हजार र तृतिय भएको नीलकण्ठ माध्यमिक विद्यालयलाई १३ हजार नगद सहित प्रमाणपत्र प्रदान गरिएको छ । प्रतियोगितामा नीलकण्ठ माध्यमिक विद्यालय, बालमन्दिर माध्यमिक विद्यालय, सरस्वती माध्यमिक विद्यालय, नीलकण्ठ बहुप्राविधिक शिक्षालय, पशुपति माध्यमिक विद्यालय, देउराली माध्यमिक विद्यालय, जनस्वास्थ्य प्राविधिक अध्ययन स्कुल, एड्भान्स एकेडेमी, धादिङ बोड्रिङ, चिल्ड्रेन पार्क आवसिय विद्यालय र प्रकाश माध्यमिक विद्यालय गरी ११ समुहको सहभागिता रहेको थियो ।