धादिङ निर्वाचन क्षेत्र अन्तर्गत प्रदेश सभा १ मा गठबन्धनको तर्फबाट काँग्रेसका मदुकुमार श्रेष्ठ विजयी

७,मंसिर धादिङ।  धादिङको क्षेत्र नम्बर १ अन्तर्गत प्रदेश सभा १ को मतगणना सकिएको छ । मतगणना सकिँदा गठबन्धनको तर्फबाट प्रदेश सभा सदस्यको उम्मेदवार बनेका काँग्रेसका मदुकुमार श्रेष्ठ १२९४ मत अन्तर सहित निर्वाचित भएका छन् । उनले १७८३२ मत प्राप्त गरेका हुन् भने एमालेका रमेशकुमार आचार्यले १६५३८ मत ल्याएको मुख्य निर्वाचन अधिकृतको कार्यालय गल्छीले जनाएको छ ।

यस्तै राप्रपाको गिता प्रसाद आचार्यले १८५२, स्वतन्त्रका नेत्रराज पौडेलले ४६८८ मत ल्याएका छन् । यसैगरी नेपाल मजदुर किसान पार्टीका पदम बहादुर तामाङले ७१, जनता समाजवादी पार्टी नेपालका सुर्य बहादुर तामाङले १२०, मँगोल नेशनल अर्गनाईजेशनका धर्मराज गुरुङले ८५१, जनसमाजवादी पार्टी नेपालका विष्णु नेपालीले ८२, स्वतन्त्रका इश्वर प्रसाद कोईरालाले २५१, कुमार विश्वकर्माले ३८४, माधव प्रसाद खतिवडाले १३, रमेश प्रसाद आचार्यले ४०८, रविना पौडेलले १४, सुजन थिङले १५७ र सुरतकुमार श्रेष्ठले १५ मत ल्याएका छन् ।

यो क्षेत्रमा ७३१५७ कुल मतदाता रहेकोमा ४४६१२ मत खसेको थियो । यसमा ४३२७६ मत सदर र १३३६ मत बदर भएके छ ।