म त रजस्वला भएको मान्छे “कबिता”

म त रजस्वला भएको मान्छे

आज पनि नछोउ मलाई

किनकी म नै हु हिजो रजस्वला भएको मान्छे

आज पनि भन भान्सामा नजाउ भनेर

किनकी म नै हु हिजो रजस्वला भएको मान्छे ।

सक्छौ भने भन्देउ बच्चा नजन्माउ भनेर

किनकी म नै हु हिजो कसैले नछोएको मान्छे

बिगतलाइ हेर फर्किएर तिम्रो जन्मदाता हेर

हो उ नै तिम्रो आमा हिजो रजस्वला भएको मान्छे ।

नखाउ मैले छोएको अनि नआउ मेरो ओछ्यानमा

किनकी म नै हु हिजो तिम्ले ओछ्यानबाट अलग्याएको मान्छे

नभन आज खुट्टा छोएर पुजेन भनी

किनकी म नै हु हिजो तिम्ले नछोएको मान्छे ।

आज पनि भन मात्रै एउटा प्लेट सफ गर भनी

किनकी म नै हु हिजो अरु प्लेट छुन नहुने मान्छे

अझै भन करेसाबारिमा नजाउ, कोपिला नछोउ भनी

किनकी म नै हु हिजो करेसाबारिमा जान नहुने मान्छे ।

नभन न पुजाको लागि चोखो पात टिप भनी

किनकी म नै हु हिजो जुठो भएको मान्छे

नभन न घर लिपघस गर भनी

किनकी म नै हु हिजो लिप्नन नहुने मान्छे ।

नभन दूध दुहुनु अनि मोहि पार्नु भनी

किनकी म नै हु हिजो भैसिको थुन र ठेकी छुन नहुने मान्छे

म नै हु हिजो रजस्वला भएको मान्छे

म नै हु हिजो कसैले नछोएको मान्छे ।

हिरा लक्ष्मी श्रेष्ठ ……………….