लायन्स क्लब अफ धादिङ पिस खानीखोला तथा लियो क्लब अफ पिस खानीखोलाको संयुक्त आयोजनामा पदस्थापना कार्यक्रम सम्पन्न ।

टोलटोलको खबर
कला/साहित्य
प्रकाशित मिति:
२०७९ भाद्र २३, बिहिबार (२ साल अघि)
९२४
Shares

बिहिबार धादिङको धुनिबेशी नगरपालिका ६ गौचरणमा रहेको ओरेन्ज एग्रो होम स्टेमा लायन्स क्लब अफ धादिङ पिस खानीखोला तथा लियो क्लब अफ पिस खानीखोलाको संयुक्त आयोजनामा पदस्थापन कार्यक्रम सम्पन्न भएको छ ।
मदन पुरस्कार प्राप्त गर्न सफल अग्नी महाकाव्यका लेखक, रेडियो नेपालका निर्देशक साहित्यकार डा. नवराज लम्सालको प्रमुख आतिथ्य रहेको उक्त कार्यक्रममा विशिष्ट अतिथि डिस्ट्रिक्ट ३२५ के का गभर्नर राजेन्द्र कुमार बाटाजु लगाएत डिस्ट्रिक्ट पदाधिकारी एवं विभिन्न संघ सस्थाका पदाधिकारीहरूको उपस्थिति रहेको थियो।
सो कार्यक्रममा लायन्स वर्ष २०२१/०२२ का लायन्स अध्यक्ष लायन प्रल्हाद पाठकले २०२२/०२३ का लायन्स अध्यक्ष लायन श्री कृष्ण रूपाखेतीलाई र लियो अध्यक्ष लियो सन्देश कुवरले लियो सन्तविर तामाङ पदस्थापन गर्नु भएको हो ।

लायन्स क्लब अफ धादिङ पिस खानीखोलाको तर्फबाट संयोजक लायन सुरेन राज गिरी तथा लियो क्लब अफ पिस खानीखोलाको तर्फबाट संयोजक लियो आत्माराम उप्रेती रहनु भएको थियो।
उक्त कार्यक्रमको प्रमुख अतिथि समेत रहनुभएका मदन पुरस्कार प्राप्त गर्न सफल अग्नी महाकाव्यका लेखक, रेडियो नेपालका निर्देशक साहित्यकार डा. नवराज लम्साल लाई लायन्स क्लब अफ धादिङ पिस खानीखोला तथा लियो क्लब अफ पिस खानीखोलाले संयुक्त रुपमा सम्मान समेत गरेको थियो।